Uitnodiging Receptie

Een blik in het leven van Guy..

Proclamatie

Vier, Guy d’r Ieësjte, Sjtadsprins va Gebrook biej de grasie va d’r Wieze Raod, Graaf uëver alle kesjtieëlule, – ulinnekes en – uulskukes, Markies uëver Groeët Gebrook va Lot- en Uëverbrook pis aa de Passart en van ’t kesjtieël pis bienao Austrao, Hertog uëver alle Gebreuker en Gebreukerinnekes die same mit mich en ’t CCH, va Gebrook ’n richtige narresjtad gónt make, Proklamere de noe volgende elf raegels,

Ten elfde

Hie sjteit vuur uch d’r nuuje Sjtadsprins va Gebrook, oos manjefiek paradies
Gebrook dat ich leef höb es sjtad in os Limburgs landj, ‘t landj va mien gelök
Mien weegsjke sjtong 35 jaor geleje wiedeweg va hiej in Zeeland aan de kust
Ongertussje höb ich duchtig plat liere kalle en zinge op Breuker wies
‘t Vastelaovesvirus dank ich aa mien leef auwesj: mien mam Marty en miene pap Bert
Same höbbe die twieë mit mich gans get sjieke vastelaovesbloome geplökt

Ten tieënde

Sjef en Joke Hönen en miene vrundj Roy höbbe mich die sjoeën ouw Breukerleedjes gelierd
Op de vroag “Wilt gier Gebreuker zin?” zegk ich dan aoch geer “Jao!”: dat veult es ’n richtigeieer
Hie woeën ich, hie wirk ich, hie höb ich leef; mit anger wuuërd “Hie bin ich thoes”
Ze höbbe mich mitgenomme nao al die fantastische Breuker Vastelaovesevenemente
Dao bin ich hun pis op d’r daag va huuj dankbaar vuër, miene dank dae sjteit wie e hoes

Ten nuëgende

Dat bin ich Vergaete sjtong op ’t LVK mit Nonk Bob oet Jamaica, dat waor sjiek om mit te make
Same mit dees super Breuker vrung zing ich dit jaor evvel oet volle borst “Hie geit ’t krake!”
Vrung die höbste vuër ‘t laeve, vrung die vergitste neet want vrundsjap is noeëts gedaon
Daorom draag ich, Guy I, Dat bin ich Vergaete op om mit mich mit vastelaovend vuërop te gaon.

Ten achste

Vastelaovend viere dat zit bie os in de familie, va groeët pis klein en va jonk pis oud
De tuën va “Doezend sjterre boavenaan doa bin ich d’r eine van” dat lieët os zieëker neetkoud
Mien mam, miene pap, mien breurs Yves en Dyon, de maedjes die ze leef höbbe
En aoch mien sjoeënauwesj Hannie en Hub: sjtuk vuur sjtuk zint ‘t richtige vastelaovesgekke
Same viere v’r dit seizoen ’t laeve en laote ’t vanaaf noe ‘ns richtig sjtöbbe!

Ten zieëvende

Sjoenkele bie Coba is Vastelaovend i Gebrook in optima forma, laot dat noeëts verlaore gaon  
Op vastelaovesdieënsdig bezong Peter Vellinga in dat klein café de twinkeling in dien eugskes
Vuur mich waor dat e kippevelmoment, want doa höb ich mien leef maedje Lucienne lierekinne
Aoch De Braggelaere huur ich dao elk jaor met hunne bekinde sjlager “Vuur dich plök ich de bloome”
Ich wil Lucienne, de leefde van mien laeve en de mam va mien kinger, dao geer mitverwinne

Ten zusde

Mien prinsesjes Ninou en Fleur kluure mien leave roeëd, gael, greun en mieë bonte kluëre
Ze zint ’t Sjunste op de Welt en tovere vuur Lucienne en mich Gebrook om in e richtigparadies
Wat de hoesverseerders dont dat kinne die twieë sjatte zieëker zoeë good
Ze make same mit de oma’s en opa’s oos hoes in Ueverbrook dit jaor ’t sjonste prinselijk palies
Es richtige vastelaoveskinger sjtruimt bie mien maedjes mit die daag ’t vastelaovesblood
Ze zinge mit enne lach op de sjnoete uëver Geneet van ’t Laeve en Gaef ’t Doeër: dat is good!

Ten viefde

‘Euver de toekomst geen zörge, veer höbbe de prins(en) en prinsessen van mörge’
Dat waor het optimistische motto van de Breuker Neutjes in d’r Kingeroptoch 2018
Mit 20 kleine neutjes, jonges én maedjes, blieve vieer de Vastelaovend van nuuj bloodverzörge
Juus wie drie prinse vuer mich, zint mien Breuker Neutjes noe good vuur prins nummer veer
Same trekke v’r mit oos kinger groeët en klein, mit in de Breuker vastelaovesoptochte, elk jaor weer
En huër ich de tuën van ‘Dans, dans, dans oppe Dusj’ in miene eige bonte vastelaovessjtoetof miene sjlager ‘Doezend Daage en Nachte’ da kom ich dae prinsewagen besjlist noeëts mieëoet!

Ten veerde

Nao de middelbare sjoeël sjtudeerde ich i Driebergen, gek van auto’s wie ich doe waor
Mit mien IVA-diploma op tesj gong ich wirke, al 9 jaor doeën ich dat noe bie Auto Welling
Auto’s ving ich nog ummer sjiek, es jungske al raakten die bie mich ’n geveulige sjnaor
Toch höb ich ennne nuje druim: vuër die oetdaging geit sinds kort gans get op de helling  
Want es docent economie wil ich uëver e paar jaor mien sjtudente gaer sjlummer make
Uëver kapitaal en arbeid, vraog en aanbod, winst en verlees, geld, good en anger belangriekezake

Ten driejde

De luuj hove op Rosenmontag dees maol gein dekking te zeuke en kinne opgelucht aomhaole
Want dizze prins besjikt neet uever enne krachtige erm om sjloek en fruit oet te werpe’
Van dees plaatsj aaf wil ich gaer miene vuerganger Sjtadsprins Daan I van harte bedanke:
Mit heuëm sjtoak ich gaer ’t vastelaoevesvuur op mit neutjes veer en gluijende eierkaole    
Dan zinge v’r sjtrak in ‘t pak mit sjtieëk, scepter en vere ‘Das Leben gibt heut einen aus’    
Mit pien in oos harte numme v’r aafsjied van dich Daan, zieëker neet mit dreuvige klanke

Ten twieëde

Vanaf noe bin ich es Sjtadsprins va Gebrook d’r nuje leider va de Breuker Bokke Bende
’t Roverspaad dat is neet mieë, dae versjlage en uëverwonne duvel zörgde vuer veul ellende
Daovuer in de plaatsj zeuk ich mit enne lach op mien gezich de Breuker sjpas same mit alle luuj
Ich wil danse, sjanse, zinge en sjpringe en baovenal genete va d’r daag van huuj
Mien prinssjap is neet vuer ieëwig, uëver ’n jaor zörgt dat besjlist vuer ’n anger buuj
Tot dat moment geneet ich van ’t laeve en zing ich mit alles wat ich in mich höb:  
Soms is ‘t baeter get moeëis te verleze. Baeter verleze dan da ge ’t noeëit höbt gehad

Ten ieësjte

Mit gans mien hart klink ich op os hie biejein, op de leefde, ’t laeve, jao aoch op d’r doeëd
Laote v’r daorom drinke op oos geleefden in d’r hieëmel, ’t is mer dát gier het wit
Ich zieën mien oma Greetje, opa Wim, Patrick Luchies en anger ingele: van boave kieke ze hie mit
Mit ’n lach en ’n traon klinke ze vol leefde op os, dao baove in dat hieëmelriek zoeë groeët

 Gruëtsj dat ich Gebrook oos Paradies maog besjture es richtige vastelaovesvorst
Wil ich noe höffe de glazer hoeëg! En bring ich oet op Gebrook en de Breuker luuj oet volleborst:

Gebrook: Alaaf! Gebrook: Alaaf! Gebrook: Alaaf!

Gegaeven i Gebrook, 12 jannewari 2019. Sjtadsprins Guy d’r Ieësjte va Gebrook, biejgesjtange doer prizedent Ton en ziene Wieze Raod van oos Breuker Vastelaovesriek.

Interview met de Prins

Het interview met de Prins wordt gepubliceerd na het verschijnen van vastelaovesgezet d’r Uul